فیدراسیۆنی ڕێکخراوەکانی کۆمەڵگەی مەدەنی کۆنفرانسی دەبەستێت

ڕۆژی شەممە بەرواری 3-5-2025 لەشاری سلێمانی، فیدراسیۆنی ڕێکخراوەکانی کۆمەڵگەی مەدەنی، بە ئامادەبوونی (٢٣) ئەندام، کۆنفرانسی بەست.

لەسەرەتادا، راپۆرتی چالاکی فیدراسیۆن بۆ ساڵانی (٢٠٢٣- ٢٠٢٥)، لەلایەن بەڕێز (شۆخان ئەحمەد) ڕێکخەری فیدراسیۆن، پێشکەشکرا، پاشان بەڕێز (جەبار عەزیز)، بەرپرسی دارایی فیدراسیۆن، راپۆرتی دارایی (٢٠٢٣-٢٠٢٥)پێشکەشکرد، پاشان ئەندامان بەکۆی دەنگ متمانەیان بە ئەنجوومەنی نوێی بەدواداچوون بەخشتی کە پێکهاتبوون لە هەریەک لە بەڕیزان (شۆڕش ئەمین، ئاوات محەمەد، فەرەیدوون حەسەن، قەیسەر رەحمان، سالار فەتاح)، وە ئەنجوومەنی بەڕێوەبردن ڕاسپێردرا بۆ گفتوگۆکردن لەگەڵ (٧) خانمی بەربژێری کۆنفرانس، بۆ گفتوگۆکردن لەگەڵیان بۆ وەرگرتنی ئەرکی ئەندامێتی لە ئەنجوومەنی بەدواداچوون.

دواتر گفتوگۆ لەسەر ئەو ماددانەی پەیڕەوکرا، کە پێویستی بە هەمواربوو، پاشان پەیڕەوی بەکۆی دەنگ پەسەندکرا، دواتر گفتوگۆ لەسەر چەند ماددەیەکی ڕێبەری کارکردن کرا، کە لەشەش مانگی رابردوودا لە لایەن لیژنەی تایبەتمەندەوە بۆ ئاسانکار لە کارکردن و چالاکی درووستکرابوو، بە کۆی دەنگ ڕێبەریش پەسەندکرا.

کۆتا بڕگەی کۆنفرانس، هەڵبژاردنی ئەنجوومەنی نوێی بەڕێوەبردن و ڕێکخەربوو، کە پێکهاتوون لەم بەڕێزانەی خوارەوە:

1- بابان جەعفەر- ڕێکخەر

2- بەسمە حەبیب

3- شۆخان ئەحمەد

4- کاردۆ رەزا

5- هەڵشۆ عبدالفتاح

6- رێباز عەریب- نوێنەرایەتی پارێزگای هەڵەبجە

7- هەژار وەهاب- نوێنەرایەتی ئیدارەی گەرمیان

*ئامادەبوانی کۆنفرانس پێکهاتبوون لە بەرێزان:-

1. د.بەختیار عبداللە- ئەنجوومەنی بەدواداچوون

2. شۆڕش امین- ئەنجوومەنی بەدواداچوون

3. ئاوات محەمەد- ئەنجوومەنی بەدواداچوون